Vaginal Discharge Mein Tabdeeli,Kiya Zahir Karti Hai

Sara: Assalam o alaikum zoya.

Zoya: Waalaikum salam Sara. Arey wah, aaj tou Maria bhi tumhare sath ayi hai. 

Sara: Han Zoya, Maria kuch zaroori sawalat le kar ai hai.

Zoya: Kyun nahi Maria, zaroor pucho.

Maria: Zoya, mera aap se sawal yeh hai ke kya vaginal discharge mein tabdeeli kisi bimari ki alamat ho sakti hai?

Zoya: Bilqul Maria, Vaginal discharge mein tabdeeli bohat se bimariyon, aur STDs yani sexually transmitted diseases ki bhi alamat ho sakti hai.

Maria: Kya waqai zoya? Vaginal discharge mein tabdeeli STDS ki bhi alamat hai ???

Zoya: Bilqul, Maria. STDs ki surat mein Vaginal discharge ke rung, texture, ya smell mein tabdeeli waqia ho sakti hai.

Sara: Zoya, tou kyun na apni behno ko iss baray mein mazeed agahi faraham ki jaye?

Zoya: kyun nahi Sara. dosto, STDs ki surat mein hone wala vaginal discharge peelay ya sabz rung ka ho sakta hai, yeh na khushgawar hadh tak badbudar, aur iss ke texture mein pus ya mucus bhi shamil ho sakta hai. 

Sara: Maloomat ka bohat shukriya zoya. Dosto, Aur aysi soorat mein doctor sey fori raju karein!