Stress Se Aap Ke Chehre Par Hone Wale Buray Asrat

Dosto, Acne, pimples, jhuriyan, aankhon ke gird siyah halkay, baalon ka girnay, aur waqt se pehle baalon ke safaid honay ki ek eham waja depression, anxiety ya zehni tanao bhi ho sakta hai. 

Tehqeeqat ke mutabiq duniya bhar mein 50% loug stress yani zehni ya nafsiyati tanao ka shikar hain jin mein zyada tadad khawateen ki hai. Jahan zehni tanao depression, anxiety, aur dil ki bimariyon ki afzaish ka bais banta hai wahi iss ke asraat kayi gunna aap ke chehre par bhi zahir hote hain.

Researchers ke mutabiq aysa dou wajuhat ki bina pe hota hai:

Pehla yeh ke jab aap stress mehsoos karte hain tou aap ke jism mein aysy hormones release hote hain jo ke aap mein jismani tabdeeliyon ka bais bante hain aur aap ki jild par manfi asraat maratab karte hain. 

Jab ke dusri surat mein aksar aap stress ki halat mein kuch aysi adaat apna lete hain jo ke mozar e sehat ho sakti hain jese binge eating karna yani zaroorat se ziada ya musalsal khana ya honton ko chabana waghera. 

Dosto, zehni tanao aap ki jild par jo manfi asrat muratab kartay hein un mein sey chand mein aap ko batati hon.

• Researches ke mutabiq zehni tanao aap ke jism mein CRH yani corticotropin-releasing hormone ko wafir miqdar mein release karta hai, jo ke hamare jism mein ghair zaroori miqdar mein oil produce karta hai jis se hamare jild mein mojood masam band ho jate hai. Aur yeh band masam acne ka bais bante hain.
• Iss ke alawa zehni tanao aksar insomnia yani neend ka na anay ki waja banta hai. Jo ke ankhon ke gird sojan aur sozish ke alawa waqt ke pehle skin ke burhapay, jhuriyan, na humwar rangat, aur chaiyon ki waja banta hai. 
• Ek aur research ke mutabiq jild mein mojood stratum corneum jo ke jild mein nami ki miqdar ko barqar rakhta hai,  zehni tanao iss ke kaam ko mutasir karte hue humari jild ko khushk aur khurdara karta hai. Iss ke alawa skin rashes, jhuriyon ka kam umri mein ana, baalon ka bohat ziada girna ya safaid ho jana, sab zehni tanao ya stress ke side effects hain. 

Dosto, agar aap ka zehni tanao ek khas muddat se ziada barh jaye tou fori mahir e nafsiyat se ruju karein. Iss article ko apni dosto ke sath zaroor share karein.